mercredi 10 août 2011

عشنا و شفنا

بانادول لعلاج الذنوب للمزيد من المعلومات عن هذا الدواء انظر الكتاب التداوي بالاستغفار  لحسن بن احمد بن حسن همام دواء ساري الصلاحية حتى نهاية العمر 
عشنا و شفنا يا حليلي يا حليلي ايّا الطبة الكل تسكّر حوانتها و تبطّل الخدمة النهضة لقاتلكم الدواء اللي يداوي كل شي والدواء اللي عمرو ما يفسد
ال الظلاميون يحلّولكم مشاكلكم الكل العاطفية الصحية  السياسية الجنسية الاجتماعية يعرسولكم يطلقولكم يطهرلّوكم يمرّضوكم تداويكم بالطب الرعواني و التشعويذ و غسيل المخ و التبهبير
انّها فعلا اعجوبة ابعد هذا كلّه لا تستغفر؟ نتصوّر الكلام هذا عليكم انتوما ارجعو لربي و استغفرو مولاكم استبلاه الشعب و الكذب حرام نحي كخّة ربي يعلّقكم من شوافركم و يحرقكم بالنار لواه هكة تفنديق الفلوس هذا مازال ما شديتوش الحكم و تعملو في حملات على شاكلة حملات التجوّع مالا كي تشدوه كيفاه؟ تبّركوها البلاد؟  
 
دواء فاعل و فعّال لعلاج جميع الذنوب  و الهموم و الالام و الاحزان  تصميم وكالة رؤى للدعاية و الاعلان المملكة العربية السعودية  الرياض توة انتوما مقيمين القيامة على المناضلين الصحاح اللي كانوا حاضرين وقت اللي انتوما مكفنين ريوسكم قال شنوة مادين يديهم للغرب و انتوما قياداتكم تتعامل مع امريكا و زيد تحبوا تعملولنا استعمار جديد تحبو السعودية تحكمنا تحت حس مس شمدخل السعودية في الحكاية لواه تتكرم عليكم بهاالهدايا؟

4 commentaires:

  1. خايف عليك لا تموت بقهرتك يا بنيتي :-) ويضهرلي عن قريب ؛)

    RépondreSupprimer
  2. ما أحلاك يا لينا...عندما تكذبين..انت معدن كذب لا ينضب يا لينا..يبدو أنّ النّهضة أصبحت تُعطّلُ حركة المرور في المبعار الأكبر لدى البعض من خصومها المصدومين من جماهريتها..ستأتي الانتخابات..وستتسرّحون..أكثر من اللازم ههههه

    RépondreSupprimer
  3. ما تخافش يا لينا ... الخوانجية باش يفيقو بعد الانتخابات من منانة العتارس ... ماشي في بالهم اغلبية ... حتى كان اغلبية الديمقراطيين و التقدميين الكل باش يتكتلو في المجلسس التاسيسي و الدستور يقعد مدني والرئيس اللي باش ينتخبوه التوانسة بالتاكيد موش مالناظر الخايبة متاع النهضة |. و الخوانجية كي العادة موش باش يرضاو و باش يدوروها عنف و باش تتنحالهم الرخصة و يرجعو يطلبو في الصدقة و اللجوء في بلاد الفرنجة و الله لا تقطعلنا عادة. و تونس تولي خير ماكانت من غير دكتاتورية و كي العادة من غير خوانجية
    المنجم شيلافورمي

    RépondreSupprimer
  4. ههههههه كيف و صلك الدواء ؟!

    RépondreSupprimer

مجرد رأي

نحن شعب لا يتعظّ من ماضيه و لا يحفظ دروس التاريخ و كأنّني بنا شعب قصير الذاكرة أو دعوني أقول معدوم الذاكرة. تستهوينا بعض عروض التهريج في مج...